/p. 211/ DIALOGUS XXXII.
De piscium spiratione.
Alex –
Scire cupio an pisces aërem sub
aqua spirent. I. C. – Negat Aristoteles.
Alex. – Quam ob causam?
I. C. – «Si aër – inquit ille – a piscibus
traheretur, bullae apparerent ad
superficiem subeuntes, veluti ubi quis invitam
sub aqua testudinem diutius continet; at
non conspiciuntur bullae, non attrahunt igitur,
neque spirant pisces aërem». Alex. – Branchiarum
rima adest in piscibus, per quam exceptus
ore aër egreditur. I. C. – Si per rimam
egressus est aër, ostende mihi eum in bulla.
Nam quare non petet locum suum, veluti
cum e subterraneis cavernis exit? si discedere
potuit atque sese ex aquae complexibus in
piscis faucibus expedire, cur – quod facilius est –
iam liber non sese efferat extra illum carcerem
ad locum suum? Praeterea ait Philosophus.
Alex. – Quaeso ab eius supersedeas rationibus,
nam legi in Historijs, et meis, si potes,
satisfacias obiectis. I. C. – Ut veterum Philosophorum
deliria sunt ab illo veritatis Hercule
tanquam monstra debellata, sic et modernorum